Kopirayter gücünü sözlərdən alan, sözləri sənətə çevirən və onları təsirli hala gətirən peşəkardır. O, sadəcə yazıçı deyil, eyni zamanda, insan psixologiyasını anlayan, bazar araşdırması aparan və brendin mesajını ən effektiv şəkildə auditoriyaya çatdıran mütəxəssisdir. Bir kopirayterin işi, sadəcə bir məhsulu və ya xidməti tanıtmaq deyil, eyni zamanda oxucunun diqqətini çəkməkdir. Bunu bacarmaq isə məharət tələb edir. Çünki sözlər vasitəsilə satış etmək bacarığı marketinqi formalaşdıran əsas şeylərdən biridir. Kopirayterlər eyni zamanda yaradıcı yazardır. Onun əsas vəzifəsi reklam mətnləri, marketinq kontenti, sosial media postları, sloqanlar, veb-sayt məqalələri, e-poçt marketinq kampaniyaları və digər təsirli məzmunlar hazırlamaqdır.
Kopirayterlər fərqli sahələrdə fəaliyyət göstərə bilirlər:
- Reklam agentlikləri – brendlər üçün cəlbedici reklam mətnləri hazırlayırlar.
- Rəqəmsal marketinq komandaları – sosial media və veb-saytlar üçün kontent yaradırlar.
- Freelans kopirayterlər – fərqli şirkətlərlə əməkdaşlıq edərək müxtəlif layihələr üzərində işləyirlər.
Peşəkar kopirayter yazdığı mətnlər vasitəsilə oxucunun diqqətini çəkir, həm də brendin səsini formalaşdırır.
Copywriter sözünün mənası
İngilis dilində “copywriter” anlayışı “reklam yazarı” və ya “marketinq kontenti yaradan şəxs” mənasını verir. Əslində bir çox axtarış sistemlərində bu peşə insanlar tərəfindən “Copywriter nədir?” deyə yazılaraq axtarılsa da, əslində düzgün sual qaydası “Copywriter kimdir?” olmalıdır. Qeyd etdiyimiz kimi copywriter müxtəlif mövzularda cəlbedici, diqqətçəkən mətnlər yazan şəxsdir.
Copywriterlər copywriting prosesi zamanı təkcə mətn yazmaqla kifayətlənmirlər. Onlar:
- İnsan psixologiyasını və alıcı davranışlarını öyrənirlər.
- Hədəf auditoriyanı analiz edirlər.
- Reklam strategiyalarına uyğun kreativ məzmunlar hazırlayırlar.
- SEO qaydalarına uyğun mətnlər yazırlar ki, bu da veb-saytlara daha çox trafik cəlb etməyə kömək edir.
Copywriterlər televiziya və radio reklamlarından tutmuş, sosial media postlarına, e-poçt marketinq kampaniyalarına qədər geniş bir sahədə çalışırlar. Məsələn, böyük şirkətlərdə copywriting komandası brendin tonunu və üslubunu müəyyənləşdirərək məhsul və xidmətləri ən effektiv şəkildə təqdim etməyə çalışır.
Copywriterin əsas gücü sözlərdir. O, elə bir mətn hazırlamalıdır ki, oxucu ilk cümlədən maraqlansın və sonadək oxusun. Copywriting prosesinin ən mühüm xüsusiyyəti isə sadə və inandırıcı olmaqdır. Məsələn, bir məhsul haqqında quru faktlar vermək əvəzinə, copywriter həmin məhsulu alıcının ehtiyaclarına uyğun necə təqdim edəcəyini düşünməlidir.
Kopiraytinq nədir?
Kopiraytinq, marketinqin əsas hissələrindən biri olub, brendlərin auditoriyaya öz mesajlarını çatdırması üçün yazılı kontent yaratmaq prosesidir. Sadə dillə desək, bu sahə satışları və tanınmağı gücləndirən yazılı kommunikasiya sənətidir. Kopiraytinqin əsas məqsədi oxucunu cəlb etmək, ona nəsə hiss etdirmək və müəyyən bir addım atmasına səbəb olmaqdır.
Kopiraytinqin əsas istiqamətlərinə baxaq:
- Reklam kopiraytinqi – sloqanlar, banner reklamları, televiziya və radio mətnləri.
- SEO kopiraytinqi – axtarış motorlarında (Google, Bing və s.) yüksək nəticə əldə etmək üçün açar sözlərə uyğun optimallaşdırılmış məqalələr.
- Sosial media kopiraytinqi – Facebook, Instagram, LinkedIn, Twitter və digər platformalar üçün qısa və təsirli mətnlər.
- E-poçt marketinq kopiraytinqi – potensial müştərilərlə əlaqəni gücləndirmək üçün yazılan e-poçt kampaniyaları.
- Veb-sayt kopiraytinqi – məhsul təsvirləri, açılış səhifələri və brend haqqında məlumat mətnləri.
Peşəkar kopirayterlər mətn yazarkən emosional və psixoloji təsir faktorlarını nəzərə alırlar. Çünki insanları alışa yönləndirən əsas güc məhz hisslərdir. Məhz buna görə də peşəkar kopirayter sözlərlə satış etmək bacarığına sahib olmalıdır.
